рәсми сайт

Рух

Марсель Галиевка

 

Күбәләкнең канатына Илаһ

Ука белән язган сурәне

Укыгандай, тылсымланып калам,

Каян таба энҗе сүзләрне?!

 

Сүз тоягын җилле уйната ул,

Сүзгә маһир җаннар тоемлар;

Каләм очларыннан күкрәп тама,

Ул дигәнче туган тойгылар.

 

Бизәк ясый каләм, һәмма сүздән

Сулый җөмлә, хисләр тулышкан.

Чатыр тавы янә бер үсенеп,

Ияренә Айны утырткан.

 

Галиләргә гади булу кирәк –

Төшеп килә Чатыр тавыннан.

Күкләр тәмен татып, кайтып килә,

Рухи баеп, туган ягыннан.

 

Гади генә Гали үзе болай,

Милли рухның җаны, үзәге!

Белә микән шуны: туган телгә –

Ходайның ул сирәк бүләге!..

Тәкъдим итү: