Ашыт суларында йөгерек дулкын

Рафис Корбанга

Ашыт суларында йөгерек дулкын,

Яз син, якташ, булган юлы булсын.

Әнкәйләрнең күңле җыр-моң белән,

Сабыйларның шатлык белән тулсын.

Битаманнан чыгып киткән идек,

Уйладыкмы кайда җитәсен?!

Тулса тулсын, якташ, илле яшең

Иҗатыңның гомере бетмәсен.

Бер-бер артлы чыгып киткән идек,

Уңга-сулга карап тормадык.

Авыр булса булды, әмма куркып,

Атларны без кире бормадык.

Ашыт суларында – Ат казаны,

Ат коендырган чаклар бар иде.

Биектауның бер баласы булып –

Шигъри тәхетендә кал инде.